ა/წ 23 მარტს შოთა რუსთაველის ეროვნული ფონდის პროექტი ,,მეცნიერება იწყება სკოლიდან-კვლევები მოსწავლეთა მონაწილეობით" ფარგლებში ჩატარდა, მორიგი აქტივობა სამეცნიერო პიკნიკი გორის რაიონ სოფელ სობისის საჯარო სკოლაში, საბუნებისმეტყველო პედაგოგის თამარ ბერიძის მასპინძლობით. აქტივობაში მონაწილეობა მიიღეს სოფელ ბერშუეთისა და სოფელ წეროვნის N3 საჯარო სკოლის მოსწავლეებმა .
პროექტის მიზანი იყო მოსწავლეებსა და სკოლებს შორის დამეგობრება და ცოდნის გაღრმავება საბუნებისმეტყველო საგნებში. მოსწავლეებმა ერთმანეთს გაუზიარეს მიღებული გამოცდილება და აჩვენეს სადემონსტრაციო ცდები.
ღონისძიებას ესწრებოდნენ სობისისა და ბერშუეთის საჯარო სკოლის დირექტორები და საბუნებისმეტყველო საგნების პედაგოგები ნანა დემუროვი, მაია ჯალაბაძე და ლელა ჭუმბურიძე. დიდი მადლობა მასპინძელ სკოლასა და წეროვნის N3 საჯარო სკოლის დირექტორს , ქალბატონ ირმა ტატიშვილს საინტერესო აქტივობების ჩატარების ხელშეწყობისთვის.
