2023 წლის 7 მარტს კომაროვის სკოლისა და საქართველოს ბანკის ერთობლივი საგანმანათლებლო პროექტის - STEM სკოლის ფარგლებში გაიმართა STEM სკოლის გამოცდა, რომელშიც მონაწილეობა საქართველოს საჯარო და კერძო სკოლების საბაზო საფეხურის, მე-7, მე-8 და მე-9 კლასების მოსწავლეებს შეეძლოთ.
აღნიშნული გამოცდა წარმატებით ჩააბარეს სსიპ წეროვნის მე-3 საჯარო სკოლის მოსწავლეებმაც. მე-8(1) კლასის მოსწავლე გიორგი ოთინაშვილმა და 9(4) კლასის მოსწავლე ნინი ლომიძემ დაიმსახურეს საქართველოს ბანკის სტიპენდია, რაც იმას ნიშნავს, რომ ერთი სასწავლო წლის (ორი მოდულის) განმავლობაში სწავლის საფასურს და სასწავლო რესურსებს სრულად დააფინანსებს საქართველოს ბანკი. სწავლა 18 მარტს დაიწყო.
